كورونا.. الحكومة خاصها تصارح المغاربة بخطورة الوضع مع اقتراب “فصل الخريف”

الأولى كتب في 17 أغسطس، 2020 - 17:00 تابعوا عبر على Aabbir
كورونا
عبّر

عبّر ـ خالد أنبيري

 

 

باش مانكونو من الناس اللي كايبخسو عمل الاخرين، فكنا ولازنا بموقع “عبّر.كوم” الإلكتروني الإخباري، من المنوهين بمجهودات السلطات الصحية والأمنية للتصدي لجائحة كورونا، واللي جنبات بلادنا الأسوء في عز قوة الفيروس اللي ضرب منطومات صحية كبير فالعالم واللي ماقدرات تصمد قدامو، الشيء اللي خلف العديد من القتلى بهذه الدول كإيطاليا وفرنسا واسبانيا…، واليوم وحنا فالشهر الخامس على بداية هاد الجائحة، المغاربة لاحظوا بأننا يوم بعد يوم كانسجلو ارتفاع فعدد حالات المسجلة يوميا، فبعدما كنا كانسجلوا حالات بالعشرات وتحولنا للمئات ودبا وصلنا للالاف وممكن لاقدر الله نوصلو لعشرات الالاف فالأيام القادمة ماحد مزال ماوصلو العلماء والخبراء والباحثين للقاح لهذا الفيروس اللي حير العالم.

 

وحنا كانتبعو كل جديد بخصوص هاد الجائحة، لابد أننا نثيرو انتباه الحكومة باش أنها تصارح المغاربة وتقوليهم بأن القادم أسوء، خصوصا وأننا على أبوب التحول من فصل لفصل، أي من فصل الصيف لفصل الخريف، وهاد المرحلة بالضبط هي اللي كاتعرف اصابة المغاربة كل سنة ما يسمى “la gripe” أي “الأنفلونزا الموسمية” بمعنى الرواح “الزكام” والحلاقم “مرض اللوزتين” والسخانة “ارتفاع درجة الحرارة”، بالنظر للبرد اللي كايكون فهاد المرحلة وكانكونو يالله تحولنا من الصيف اللي كايعرف ارتفاع درجة الحرارة لفصل الخريف اللي كايعرف جو متقلب.

 

الأطباء والباحثين كايقولو بأننا ففصل الخريف غانشهدو موجة اصابات كثيرة وكثيرة بزاف، والدليل على ذلك أن وزارة الصحة اعتمدت بروتوكول جديد للكشف عن الإصابات، بحيث غاتولي التحاليل تدار على مستوى سبيطارت ديال الحومة “المراكز الصحية”، لتوسيع دائرة الكشف المبكر، خصوصا وأن هاد المراكز كاتعرف اكتضاض ففصل الخريف بسبب الأمراض اللي هظرت عليها من قبل، لذلك الى لاقدر الله ما توصلو الدول اللي كاتقلب على اللقاح قبل هاد الفترة فالعالم غايشهد موجة ثالثة ديال هدا الفيروس، ومن بينهم بلادنا اللي مابغيناهاش توصل لهاديك المرحلة الله احفظ، لذلك فالحكومة خاصها توجد المغاربة لهاد المرحلة وتصارحهم بأنها غاتكون مرحلة صعيبة وصعيبة بزاف.

 

وحتى المغاربة خاص اوعاو بخطورة المرحلة اللي جاية ويديرو الإحتياطات ديالهم، خصوصا الناس اللي كاتعاني من أمراض مزمنة واللي هي الفئة المعرضة بشكل كبير للإصابة بهذا الفيروس الفتاك.

تابعنا على قناة عبّر على الواتساب من هنا
تابع عبّر على غوغل نيوز من هنا

اترك هنا تعليقك على الموضوع