فاجأت الفنانة إيمان العاصي جمهورها بعدما صرحت أنها دخلت مجال التمثيل من خلال العمل كموديل معلومة ليست صحيحة.
وأضافت خلال لقائها مع الإعلامية منى الشاذلي في برنامج “معكم” المذاع عبر قناة CBC:
“عمري ما اشتغلت موديل، أنا دخلت التمثيل بالصدفة، كنت في الجامعة ومتخانقة مع خطيبي ومكتئبة، وواحدة صاحبتي موديل رايحة تعمل جلسة تصوير طلبت منها أروح معاها”.
وتابعت: “عملت جلسة التصوير وعارفة إن خطيبي هيتجنن، وصاحبتي كلمتني على إن المصور عايز يحط صورتي على غلاف مجلة، ونزلت المجلة وخطيبي جابها واتحققت الخطة، لكن عملت أكبر من كده”.
أوضحت إيمان العاصي أنها رحبت بعرض التمثيل الذي تلقته بعد ذلك رغبة في مضايقة خطيبها قائلة: “المخرج خالد بهجت كلمني وطلبني في مسلسل، وقلت طبعا ده اللي هيجيب أجل خطيبي، لكن انطلاقتي الحقيقية كانت من حضرة المتهم أبي مع نور الشريف”.
أبرز تصريحات إيمان العاصي مع منى الشاذلي
كما تحدثت الممثلة المصرية عن كواليس مسلسلها جعفر العمدة، وأيضا تفاصيل التهديدات التي تعرضت لها، ومن أبرز تصريحاتها قالت التالي:
اتعرض عليا فلوس كتير عشان أقول نهاية مسلسل جعفر العمدة.
كان معروض عليا دور تاني غير دلال واعتذرت عنه واخترت الدور ده ومضيت على بياض.
كان نفسي اشتغل مع محمد سامي من زمان لأن اللي بيشتغل معاه بيتحول طريقه للأحسن بكتير.
كان بيجيلي رسايل تهديد من الجمهور وكانوا بيقولوا لو مرجعتيش سيف هنخطف بنتك.
عبّر ـ مواقع
اترك هنا تعليقك على الموضوع