رئيس حكومة “الموض أفيون”

عبّر

بززاف ديال المغربة كيسولو على داك السيد لي كيقولو ليه العثماني، لي هو رئيس حكومة فوق العادة، لي حتى واحد ما عارفو اشنو كيدير بالضبط، واش فعلا هو رئيس الحكومة و لا كاين لي كيسيرو، خاصة و أن الناس باقيين عاقلين ملي عينو الملك، و رجع عند الناس ديال الحزب ديالو، و قاليهم متخافوش راه كاين الرميد معايا.

المهم هذا رئيس الحكومة، لي ديما داير “موض أفيون” ميرسل ميستقبل، عايش بوحدو ولا هو فهذا العالم، كنا كنقولو ان عباس الفاسي هو اضعف رئيس حكومة داز فالمغرب، ساعة جا هذا السي العثماني و ضرب الروكور فكلشي، المغرب تبارك الله كله متفاعل مع عدد من القضايا، فالشارع و فالعالم الافتراضي، و الوزراء حتى هما منشطين الوقت و الصحافة بايعة شارية مع راسها، إلا رئيس الحكومة تقول ماشي معانا فهذا الكوكب.

دابا هذا الرئيس الحكومة الصامت لي خصو يترأس فالحقيقة شي حكومة ديال الصم و البكم، واش كيضرب شي كينات من دوك الكينات الي كان كيخرج للمرضى ديالو، لي عدد منهم تخلص من عندهم و مكملش معاهم العلاج و مردش ليهم فلوسهم، و هي لي كتخليه عايش فشي عوالم أخرى من غير العالم ديالنا، و لا راه اصلا الصدمة كانت كبيرة عليه ملي تاصل بيه جلالة الملك و عينو رئبس حكومة و باقي مفاق من الصدمة و كيحساب ليه راسو غير كيحلم.

المهم الله يدير تاويل الخير مع بلادنا، رئيس حكومة غير كيخرج من فمو بلا ما يوزن، و رئيس حكومة زيزون الله يحد الباس.

 

loading...
loading...
loading...

قد يعجبك ايضا

اترك رد

لن يتم نشر عنوان بريدك الإلكتروني.